Արթուր Բախտամյան

Ծնվել է 1963 թ. հունվարի 28–ին Երևանում: Ավարտել է Երևանի Գեղարվեստա-թատերական ինստիտուտի թատերական և ժուռնալիստիկայի բաժինը: Հեռուստատեսություն մուտք է գործել «Կինոճեպընթաց» (1990) շարքով: Այնուհետև հաջորդել են «Կեսգիշերային ճեպընթաց» (1999), «Հինգերորդ անիվ» (2004), «Խաչփողան», «Աքլորականչ» (2007), «Մենք հայ ենք» (2009), «Հայոց հարց» ծրագրերը: 2011թ. արժանացել է Հայաստանի Ժուռնալիստների միության ամենամյա «Ազդարար» մրցանակին: Որպես պրոդյուսեր և ռեժիսոր իրականացրել է հետևյալ կինոնախագծերը` «Եթովպիական օրագիր» (2011), «Հայուհու խորհուրդը» (2010), «Կիլիկեան հանգոյց» (2008), «Հարություն Դելլալյան» (2007, De Cine de Granada), «Հեկատոմբ»(2005), «Հայերի Վենետիկը» (2004, Թեքեյան հիմնադրամի մրցանակ), «Երկիր Նաիրի»(2001):
Հայաստանի վաստակավոր լրագրող է: Դասավանդում է Երևանի Մանկավարժական համալսարանում և Երևանի Կինոյի ու թատրոնի ինստիտուտում: Ընթացքի մեջ է «Տարեմուտի վերջին երթը» վավերագրական ֆիլմը և «Իոսիֆ Բրոդսկի. երկխոսություն» պիեսի բեմադրությունը: