Աբրահամ Գասպարյան

2007 թվականից Աբրահամ Գասպարյանն աշխատում է Հայաստանի Հանրային հեռուստատեսության «Առաջին» լրատվական ծրագրում` որպես մեկնաբան, խմբագիր և լրագրող:
Ծնվել է 1981թ. մայիսի 10-ին Սիրիայի Հալեպ քաղաքում, գործարարի ընտանիքում: 1987-1992թթ. սովորել է Հալեպի Ազգային հայկական վարժարանում, իսկ 1993-1999թթ.` «Կարեն Եփփե» ազգային ճեմարանում: 1999-2004թթ. սովորել է Երևանի պետական համալսարանի միջազգային հարաբերությունների ֆակուլտետի քաղաքագիտության ամբիոնում, իսկ 2003-2005թթ. աշխատել «Նոյյան Տապան» լրատվական գործակալությունում` որպես արևմտահայերեն լուրերի թողարկման խմբագիր:
2005-2007թթ. Աբրահամ Գասպարյանն աշխատել է «Նոյյան Տապան» լրատվական գործակալությունում` որպես անգլերեն լուրերի թարգմանիչ, խմբագիր և վերլուծաբան: 2005թ. նա աշխատել է Հանրային ռադիոյի «ԼՍ» երիտասարդական ծրագրում` որպես քաղաքական լրագրող, իսկ 2009թ.` «Անկախ» շաբաթաթերթում` որպես քաղաքական վերլուծաբան:
2009 թ.-ից դասավանդում է Երևանի պետական համալսարանի Քաղաքագիտության և Լրագրության ֆակուլտետներում: