Ամեն ինչ սկսվեց 2004 թվականին՝ Աթենքի օլիմպիական խաղերում: Էդուարդ Քալանթարյանն առանձնակի սիրով ու հուզմունքով էր մեկնաբանում օլիմպիական խաղերը: Օլիմպիադան, ճիշտ է, հաջողություն չբերեց մեր մարզիկներին, բայց Էդուարդի մասնագիտական կյանքում ճակատագրական դարձավ: Դրանից հետո նա սկսեց աշխատել Հանրային հեռուստաընկերությունում: Ժամանակին զբաղվելով թենիսով և մեծ հաջողությունների հասնելով այդ մարզաձևում` Էդուարդ Քալանթարյանը նախընտրեց մարզական մեկնաբանի մասնագիտությունը: