Քրիստինե Մելքոնյան

2010թ. Հանրային կարծիքի ուսումնասիրման կենտրոնի կողմից «Առաջին» լրատվական ծրագրի ավագ մեկնաբան Քրիստինե Մելքոնյանը ճանաչվել էր «Տարվա լավագույն հեռուստամեկնաբան»:
Ծնվել է 1979թ. մայիսի 20-ին Երևանում: Ավարտել է «Հրաչյա Աճառյան» համալսարանի միջազգային իրավունքի ֆակուլտետը` ստանալով իրավաբան-միջազգայնագետի որակավորում: Հեռուստատեսությունում աշխատելուն զուգահեռ ստացել է երկրորդ մասնագիտական բարձրագույն կրթությունը, ունի լրագրության մագիստրոսի աստիճան:
1999-2000թթ. աշխատել է Կառավարությանն առընթեր «Տնտեսական բարեփոխումների վերլուծական-տեղեկատվական կենտրոնում»` որպես հեռուստառադիոփորձագետ: «Նոյան տապան» հեռուստաընկերությունում աշխատել է որպես լուրերի հաղորդավար, թղթակցել է «ԱՐ» հեռուստաընկերությանը:
2000թ.-ից Քրիստինե Մելքոնյանն աշխատում է Հանրային հեռուստաընկերությունում: 2000-2001թթ. վարել է «Երեկոյան Երևան» հաղորդաշարը:
2001թ. սեպտեմբերից աշխատում է «Առաջին» լրատվական ծրագրում որպես մեկնաբան, իսկ 2003թ.-ից «Առաջին» լրատվական ծրագրի ավագ մեկնաբանն է:
2009-2010թթ. դասախոսել է Երևանի պետական տնտեսագիտական համալսարանում: