Նվեր Մնացականյան

Նվեր Մնացականյանը ծնվել է 1957 թ. Լենինականում (այժմ` Գյումրի): 1975-80 թթ. սովորել է Երևանի պետական համալսարանի տնտեսագիտության ֆակուլտետում: Մասնագիտությամբ աշխատել է մինչև 1988 թ.: Տպագրվել է թերթերում և ամսագրերում:
1993-ից առ այսօր աշխատում է հեռուստատեսությունում: 1993-98 թթ. աշխատել է Գյումրու «Շիրակ» հեռուստաընկերությունում` որպես գլխավոր խմբագիր, վարել հեղինակային հաղորդումներ («Կադրում և կադրից դուրս», «Հայացք հյուսիսից»): Նրա «Շիրակի համայնապատկեր» ամենշաբաթյա վերլուծական հաղորդաշարը 1996-98 թթ. հեռարձակվել է Հայաստանի ազգային հեռուստատեսությամբ:
1998-2011 թթ. Նվեր Մնացականյանն աշխատել է «Շանթ» հեռուստաընկերությունում` որպես լրագրող, մեկնաբան, վարել «Հորիզոն» լրատվական ծրագրի հիմնական թողարկումը, հեղինակել և վարել է «Հեռանկար», «Հայկական աշխարհ» հեռուստահաղորդումները:
2011 թ.-ից աշխատում է Հայաստանի Հանրային հեռուստաընկերության «Առաջին լրատվական» ծառայությունում, վարում «Առաջին լրատվական»-ի հիմնական թողարկումը, ինչպես նաև հեղինակային «Հարցազրույց» ամենօրյա հաղորդաշարը:
1999 թ. մասնակցել է ԱԺ ընտրություններին:
2003 թ. երկու անվանակարգերում ստացել է «Հեռանէ» մրցանակ:
2009 թ. ՀՀ նախագահի կողմից Նվեր Մնացականյանին շնորհվել է ՀՀ վաստակավոր լրագրողի պատվավոր կոչում:
Ամուսնացած է, ունի 4 երեխա: Հետաքրքրություններից են լողն ու դահուկավազքը: