Ռուբեն Թումանյան

2010թ. նոյեմբերից Ռուբեն Թումանյանը Հանրային հեռուստատեսության հեռուստաարտադրական ծառայության պետն է:
Ծնվել է 1969թ. Երևանում: 1987-93թթ. սովորել է Երևանի Պետական Պոլիտեխնիկական ինստիտուտի «Հաշվիչ մեքենաներ» բաժնում: 1995 թ. ավարտել է նույն բաժնի ասպիրանտուրան: 1989-93թթ. մասնակցել է «Երմի» ԿՎՆ թիմի ելույթներին, որի կազմում 1992 թ. դարձել է չեմպիոն:
1991-93թթ. եղել է «Շարմ» ընկերության գործադիր տնօրենը: 1993թ. նրա նախաձեռնությամբ և տնօրինությամբ ստեղծվել է Հայաստանի ՈՒՀԱ-ի (КВН) լիգան:
1996-98թթ. եղել է «Նորք» հեռուստատեսության գլխավոր պրոդյուսերը: Հիմնադրել է «Դիմակ» ստեղծագործական միավորումը, որը պատրաստում էր այնպիսի նախագծեր, ինչպիսիք են «Ճստիկ-պստիկ»-ը, «Համով զրույց»-ը, «Կարոտ»-ը, «Նորք 97» հեռուստափառատոնը, «Նորք» հեռուստատեսության ամանորյա ծրագրերը և այլն:
1998-2002թթ. Ռուբեն Թումանյանը զբաղվել է պրոդյուսերական գործունեությամբ` կազմակերպելով համերգներ, միջազգային և հատուկ նախագծեր: 2002-08թթ. եղել է «Հայ TV» հեռուստատեսության գլխավոր պրոդյուսերը: Համահեղինակ է այնպիսի հեռուստանախագծերի, ինչպիսիք են «Հապետ շոու»-ն, «Երեկոյան կոկտեյլ»-ը, «Վերնիսաժ»-ը, «Շաբաթ երեկո»-ն, «Կապիտալ» հեռուստախաղը և այլն:
2008թ. Ռուբեն Թումանյանը «Երկու աստղ» նախագծի պրոդյուսերն էր:
2011թ. եղել է Հայաստանում անցկացված «Մանկական Եվրատեսիլ 2011»-ի ստեղծագործական պրոդյուսերը:
Ամուսնացած է, ունի երկու երեխա: