Սլավա Սարգսյան

1995 թ.-ից Սլավա Սարգսյանը Հայաստանի Հանրային հեռուստաընկերության «Սպորտ» ստուդիայի գլխավոր խմբագիրն է:
Ծնվել է 1949 թ. Վրաստանում: Ավարտել է Թբիլիսիի #79 հայկական միջնակարգ դպրոցը: Ծառայել է խորհրդային բանակում: 1972 թ. տեղափոխվել է Երևան` հաղթող ճանաչվելով սպորտային մեկնաբանների մրցույթում: 1972 թ.-ից մինչ օրս Հայաստանի Հանրային հեռուստատեսության մարզական մեկնաբանն է: 1975-86թթ. աշխատել է ֆուտբոլի հանրապետական դպրոցում` որպես մարզիչ: 1985 թ.-ից Ժուռնալիստների միության անդամ է: 1986 թ. տեղափոխվել է հանրապետական սպորտկոմիտե և մինչև խորհրդային միության փլուզումը եղել է վարչության պետի տեղակալ: Անկախությունից հետո ընտրվել է Հայաստանի Ֆուտբոլի ֆեդերացիայի նախագահի առաջին տեղակալ և այդ պաշտոնում մնացել մինչև 1995 թվականը: Նույն թվականին նշանակվել է Հանրային հեռուստաընկերության «Սպորտ» ստուդիայի գլխավոր խմբագիր:
1998 թ. Սլավա Սարգսյանն արժանացել է ֆիզիկական կուլտուրայի վաստակավոր աշխատողի կոչմանը, 2000 թ. պարգևատրվել է Հայաստանի նախագահի շնորհակալագրով, 2008թ.` Հայաստանի Ազգային Օլիմպիական կոմիտեի շքանշանով, իսկ 2009 թ. ճանաչվել է Հայաստանի լավագույն մեկնաբան: 2011 թ. պարգևատրվել է «Մովսես Խորենացի» մեդալով:
Ամուսնացած է, ունի մեկ որդի և երկու թոռ: