Էրիկ Անթառանյան

Ծնվել է 1980թ. Երևանում: 1996թ. ավարտել է Երևանի #144 միջնակարգ դպրոցը և ընդունվել Երևանի պետական համալսարանի կիրառական մաթեմատիկայի ֆակուլտետ: 1998թ.-ից հեղինակել և վարել է բազմաթիվ հաղորդումներ հայկական հեռուստաընկերություններում` «Ռուբիկոն», «Ռուբիկոն+», «Պարմանի», «Անփլագտ» (“Unplugged”), «Թեժ տասնյակ», «Գարաժ»: 2004թ. Հայաստանի Ազգային երաժշտական մրցանակաբաշխության ժամանակ արժանացել է մրցանակի` նոր մտքերի և հաղորդումների զարգացման համար: 2006թ. աշխատել է «Շանթ» հեռուստաընկերությունում` որպես «Հայսուպերսթար» նախագծի հաղորդավար և պրոդյուսեր: 2007-09թթ. եղել է «Ֆայթ», ապա «Քաղաքում» ամսագրի գլխավոր խմբագիրը: 2009թ.-ից աշխատում է «Շարմ» ընկերությունում` որպես «Երևան-Կիև տրանզիտ» նախագծի գործադիր պրոդյուսեր: 2011թ.-ից Հանրային հեռուստաընկերությամբ վարում է «Ապահովագրական լուր», իսկ 2012թ. հուլիսից` «Ազատ գոտի» հաղորդումը: