02

Հաղորդավար` Աշոտ Ահարոնյան

ՀՀ Ոստիկանության հասարակայնության հետ կապի և լրատվության վարչության «02» հաղորդաշարը եթեր է հեռարձակվում Հանրային հեռուստատեսությամբ` 1990թ.-ից: Հաղորդաշարը տեղեկատվական-վերլուծական է: «02»-ը ցուցադրում, իրազեկում, պարզաբանում և վերլուծում է հանրապետության քրեական իրավիճակի շարժընթացը, ներկայացնում ՀՀ ոստիկանության տարբեր ստորաբաժանումների բացահայտումները, լուսաբանում ոստիկանության պաշտոնական միջոցառումները, համագործակցությունն օտարերկրյա իրավապահ կառույցների հետ, քննարկման առարկա դարձնում դեռահասների իրավական և սոցիալական խնդիրները:
Հաղորդաշարը հստակ նպատակ ունի բարձրացնել հասարակության իրավագիտակցությունը, իրազեկելով կանխարգելել հանցագործությունները, բացառել ապատեղեկատվությունը, նպաստել օրենքների և դրանք իրականացնող կառույցների նկատմամբ հանրային օբյեկտիվ կարծիքի ձևավորմանը, հասարակության և ոստիկանության միջև փոխվստահության ամրապնդմանը:
Հաղորդաշարը վարում է ՀՀ Ոստիկանության հասարակայնության հետ կապի և լրատվության վարչության պետ, ոստիկանության գնդապետ Աշոտ Ահարոնյանը: