Building
Հետ

Արսեն Նազարյան

Մոնտաժման բաժնի պետ

Ժամանակակից հաղորդումների պատրաստման հիմքում ընկած կարևորագույն պայմաններից մեկն անհրաժեշտ դինամիկայի ապահովումն է: Որքան դինամիկ և հետաքրքիր է մոնտաժված հաղորդումը, այնքան մեծ է հավանականությունը, որ հեռուստադիտողը կգոհանա ստացված արդյունքից: Հանրային հեռուստաընկերությունում տվյալ ստեղծագործական ընթացքի պատասխանատուն Արսեն Նազարյանն է, ում համար խոսքը չափվում է միկրովայրկյաններով և, ով համոզված է, որ 30 վայրկյանը բավարար է ամբողջական ասելիքը փոխանցելու համար: Նա միակն է հեռուստատեսությունում, ով գիտի, թե յուրաքանչյուրին քանի փորձ է անհրաժեշտ խոսքը կազմելու համար: Արսենը կարևորում է ռեժիսորի, սցենարիստի և խմբագրի հետ թիմային աշխատանքի ճիշտ կազմակերպումը:

Մասնագիտությամբ կինոռեժիսոր Արսեն Նազարյանն իր աշխատանքային գործունեությունը սկսել է Ռուսաստանում, որտեղ 1994 թ-ին եղել է ‹‹ՎԻԴ›› հեռուստաընկերության ադմինիստրատոր:    

1996-1998 թթ-ին աշխատել է Երևանի քաղաքապետարանի լրատվության և հասարակայնության հետ կապերի բաժնում` որպես գլխավոր մասնագետ:

1998 թ-ից աշխատում է Հանրային հեռուստաընկերությունում` սկզբում «Հայլուր» լրատվականում, այնուհետև եղել է Անոնսների և եթերի ձևավորման բաժնի պետ:

Հանրայինում երկար ճանապարհ անցնելով՝ Արսեն Նազարյանը 2015 թ-ին դարձել է մոնտաժման բաժնի պետը: