Հեռուստաընկերության բնականոն գործունեության և բոլոր ծրագրերի իրականացման հիմքում ֆինանսներն են ու դրանք ճիշտ բաշխելու կարողությունը: Արարատ Հակոբյանն ավարտել է Երևանի պետական համալսարանի ֆինանսահաշվային ֆակուլտետի «Ֆինանսներ և վարկ» բաժինը:

Ինչպես բոլոր ֆինանսիստները, Արարատ Հակոբյանը ևս աշխատանքում կարևորում է համակարգվածությունը, չի սիրում, երբ ծախսերը բազմակողմանիորեն հաշվարկված և հիմնավորված չեն: 

Արարատ Հակոբյանը Հանրային հեռուստաընկերությունում աշխատում է 2008 թ-ից: Նա ֆինանսիստի իր կարիերան ամրագրել է քայլ առ քայլ՝ աշխատելով սկզբում որպես ֆինանսատնտեսագիտական բաժնի գլխավոր մասնագետ, այնուհետ բաժնի պետ, 2012 թ-ից Հանրային հեռուստաընկերության ֆինանսական տնօրենն է, գործադիր տնօրենի տեղակալը: