Building
Հետ

Դավիթ Միրոյան

Ստեղծագործական տնօրեն

Հեռուստաընկերության գլխավոր առաքելությունն իր հեռուստադիտողներին պարբերաբար նոր ու ուշագրավ հաղորդումներով ներկայանալն է: Դավիթ Միրոյանը կազմում է Հանրայինի հաղորդումների եթերացանցը: Նա հստակ գիտի բոլոր հաղորդումների հեռարձակման ժամերը` և ոչ միայն Հանրային հեռուստաընկերության: 

Սիրում է կատարել փորձարկումներ, իսկ ստեղծագործելու նկատմամբ ցուցաբերած հակումն արտահայտում է նաև եթերացանցը կազմելիս ու անհրաժեշտ փոփոխություններն իրականացնելիս: 

Հեռուստաընկերության արտադրականից մինչև ստեղծագործական ստորաբաժանումներում աշխատելը` Դավիթ Միրոյանին հնարավորություն է տալիս լավագույնս պատկերացնել հաղորդման պատրաստման ողջ գործընթացը` նկարահանումից մինչև հեռարձակում:

Միայն Հանրային հեռուստաընկերությունում Դավիթ Միրոյանը բարձրացել է աշխատանքային մի քանի աստիճանով. նա եղել է Հեռուստաարտադրական ծառայության ղեկավարը, Եթերի վերահսկողության ծառայության ղեկավարը, ծրագրերի տնօրենը: 

Այժմ Դավիթ Միրոյանը Հանրային հեռուստաընկերության ստեղծագործական տնօրենն է: