Building
Հետ

Դավիթ Դաբաղյան

Տեխնիկական և ՏՏ տնօրեն

Ժամանակակից աշխարհի նորարարություններից ոչ միայն հետ չմնալու, այլև համընթաց քայլելու հարցում օգնում է Դավիթ Դաբաղյանը, ով հետևողականորեն ուսումնասիրում և միջազգային փորձն է ներդնում Հանրայինում` ապահովելով հեռուստաընկերության բնականոն գործունեությունը:

Նա Երևանի տնտեսագիտական համալսարանից հետո, կրթությունը շարունակել է ամերիկյան Փրինստոն քաղաքի, այնուհետև անգլիական Միլթոն Քեյնսի կրթահամալիրում՝ մասնագիտանալով տեղեկատվական տեխնոլոգիաների, ՏՏ անվտանգության, ենթակառուցվածքների կառավարման և անվտանգության ոլորտում:  

Դավիթ Դաբաղյանը կարևորում է տեղեկատվական տեխնոլոգիաների կիրառումը յուրաքանչյուր ասպարեզում, մշտապես ընդգծում պատշաճ անվտանգություն ապահովելու անհրաժեշտությունը: Նա միակն է հեռուստաընկերությունում, ով ունի աշխատանքային երկու կեցություն` սերվերների կողքին և աշխատասենյակում, իրական և վիրտուալ կյանքի ճիշտ մեջտեղում:

Հայաստանյան և ամերիկյան մի շարք կազմակերպություններում եղել է տեղեկատվական տեխնոլոգիաների խորհրդատու, փորձագետ, տեխնիկական տնօրեն, այդ թվում` ‹‹Լիմուշ››, ‹‹Ասողիկ››, ‹‹Պադեկո››, ‹‹GFA››, ‹‹Future Tech›› և այլն: 

Մարքեթինգի հայկական ասոցացիայի համահիմնադիրն է:

2016-17 թթ. տնօրինում էր Հանրային հեռուստաընկերության տեղեկատվական տեխնոլոգիաների բաժինը:

Այժմ Հանրային հեռուստաընկերության տեխնիկական և ՏՏ տնօրենն է: