Building
Հետ

Էրիկ Անթառանյան

Միջազգային կապերի բաժնի պետ

Չնայած մանկուց դրսևորած հետաքրքրությանը մաթեմատիկական ուղղվածություն ունեցող առարկաների նկատմամբ՝ 1998 թ-ին մուտքը հեռուստաընկերություն ճակատագրական դարձավ Էրիկ Անթառանյանի համար: Նա շատ արագ դարձավ ժամանակի ամենաճանաչված հաղորդավարներից մեկը՝ շուրջ 20 տարի հայկական հեռուստաեթերում ներկայանալով բազմապիսի հաղորդումներով՝ ‹‹Ռուբիկոն››, ‹‹Ռուբիկոն+›, ‹‹Պարմանի›, ‹‹Unplugged››, ‹‹Թեժ տասնյակ››, ‹‹Հայ էքստրիմ››, ‹‹Ազատ գոտի››, ‹‹Համի որակ››, ‹‹Առավոտ լուսո››:

Հաղորդավարական գործունեությանը զուգընթաց Էրիկ Անթառանյանը սկսեց հետաքրքրվել նաև կադրից դուրս աշխատանքով՝ իրականացնելով մի շարք նախագծերի պրոդյուսերի և այլ կազմակերպչական գործառույթներ՝ ‹‹Հայ Սուպերսթար››, ‹‹Գարաժ››, «Երևան-Կիև տրանզիտ» նախագծերում:

Նա եղել է “ICON COMMUNICATIONS” ընկերության մենեջերը, ‹‹Յունիբանկ››-ի մարքեթինգի դեպարտամենտի ղեկավարը:

Մասնակցել է Եվրոպական հեռարձակողների միության (ԵՀՄ) ամենամյա գագաթնաժողովներին, ԵԱՀԿ-ի և ԵՀՄ-ի կազմակերպած մամուլի և խոսքի ազատությանն ու մեդիայի թվայնացմանն առնչվող թեմատիկ համաժողովներին:

2013 թ-ից Էրիկ Անթառանյանը նաև Հանրային հեռուստաընկերության միջազգային կապերի բաժնի պետն է: