Building
Հետ

Մարիաննա Ասլանյան

Միջազգային կապերի բաժնի պետ

Հանրային հեռուստաընկերության եթերում յուրաքանչյուր երեկո ֆիլմ է` հայկական կամ օտարերկրյա արտադրության, գեղարվեստական կամ վավերագրական, ուսուցողական կամ ժամանցային: Հանրայինի հանրային ձևաչափին համապատասխան ֆիլմերի ընտրության, ձեռքբերման, միջազգային ամենահայտնի կինոարտադրողների հետ բանակցությունների, ինչպես նաև հայերեն կրկնօրինակման իրականացման ողջ գործընթացը համակարգում էր Մարիաննա Ասլանյանը, ում համար ֆիլմ նայելը ոչ միայն ժամանց է, այլև մասնագիտական պրպտումների անսպառ հնարավորություն: Նա աշխատանքի ամենապատասխանատու հատվածը համարում է հայերենով ֆիլմեր նայելու ավանդույթի շարունակականության ապահովումը:

Մարիաննա Ասլանյանը լավագույնս գիտի, թե որ ֆիլմերն ինչ ժամկետներում են հայտնվելու միջազգային վարձույթում, և երբ հնարավոր կլինի դրանք ցուցադրել հայ հեռուստադիտողին` հանդես գալով որպես հեռարձակման պաշտոնական ներկայացուցիչ:

Աշխատանքային ողջ կենսագրության հիմքում կինոն է և 25-րդ կադրը համառորեն գտնելու փորձը: Նա աշխատել է Հայաստանի ազգային կինոկենտրոնում, Ռոբերտ Սահակյանցի անվան ստուդիայում:  

2013 թ-ից աշխատում է Հանրային հեռուստաընկերության միջազգային կապերի բաժնում, 2016-2019 թթ. եղել է ֆիլմերի և կրկնօրինակման բաժնի պետ: 2019 թ. ապրիլից Հանրային հեռուստաընկերության միջազգային կապերի բաժնի պետն է: