Building
Հետ

Սերգեյ Տոնոյան

Արխիվի ծառայության ղեկավար

Հանրային հեռուստաընկերության գլխավոր հարստությունը հայաստանյան իրականության շուրջ կեսդարյա պատմության վավերագրությունն է: Լինելով պատմական կարևորագույն իրադարձությունների վկան ու ուղեկիցը` Հանրային հեռուստաընկերությունը հետևել ու սերունդների համար արխիվացրել է բոլոր հիշարժան դեպքերն ու իրադարձությունները:

Սերգեյ Տոնոյանի ամենօրյա ուշադրության կենտրոնում բոլոր արխիվային նյութերի թվայնացումն ու էլեկտրոնային բազայի ստեղծումն է և հանրության ամենալայն շերտերին տվյալ հարստությունը հասանելի դարձնելը: Գտնվելով ներկայում՝ չափազանց կարևորում է անցյալը, քանի որ վստահ է՝ առանց չվերլուծված անցյալի չի կարող լինել ամուր ներկա, ցանկալի ապագա:

Նա ակտիվորեն հետևում է ժամանակակից տեխնոլոգիաների զարգացմանն ու առաջընթացին, սակայն երբեք չի շտապում հնացած կամ ժամանակավրեպ համարել որևէ նյութ կամ տեղեկատվություն: Վստահ է` դրանցից շատերը ևս մի քանի տարի անց արժեքավոր և փնտրվող կլինեն: 

Առնչվելով տեղեկատվական տեխնոլոգիաներին և հասարակայնության հետ կապերին` աշխատանքային գործընթացում կարևորում է համակարգվածությունը և շփումը: Նա աշխատել է ‹‹Արմենթել- Բիլայն››, “GENO6”, “Sensor” և այլ կազմակերպություններում:

Սերգեյ Տոնոյանը 2015 թ-ից Հանրային հեռուստաընկերության արխիվի ծառայության ղեկավարն է: