Building
Հետ

Հարություն Սեմերջյան

Գլխավոր ռեժիսոր

Հեռուստատեսության այն մասնագետը, որը կարողանում է միաժամանակ տեսնել, թե ինչ է տեղի ունենում նկարահանման հրապարակի բոլոր անկյուններում, ռեժիսորն է: Հարություն Սեմերջյանը ոչ միայն կարողանում է տեսնել ողջ պատկերը, այլև նկատել նույնիսկ այնպիսի մանրուքներ, որոնք տեսանելի չեն անզեն աչքով:

Մասնագիտությամբ ռեժիսոր Հարություն Սեմերջյանն իր աշխատանքային գործունեությունը սկսել է 1990 թ-ից` Հայաստանի պետհեռուստառադիոյից, որտեղ եղել է կինոֆոնդի բաժնի ավագ տեխնիկ: 1991թ-ից եղել է ռեժիսորի ասիստենտ՝ սկզբում հեռուստաընկերության ուսումնական խմբագրությունում, այնուհետև` սպորտի:

1992 թ-ից եղել է ‹‹Մայրաքաղաք›› լրատվական ծառայության ռեժիսորը, 1995 թ-ից՝ ‹‹Բարև›› ծրագրի ռեժիսորը: «Շարմ» ընկերության հետ համատեղ իրականացրել է «100 տարբերակ» և «Մենք գիտենք, որ դու գիտես» նախագծերը:

2009-10 թթ. համագործակցել է «Արմենիա» հեռուստաընկերության հետ և եղել «32 ատամ», «3 պատ», «Նոստալջի» հաղորդումների ռեժիսորը:

2013 թ-ին եղել է շարժական հեռուստակայանի բեմադրող ռեժիսոր:

2013-2015 թթ. Երևանի պետական համալսարանի ‹‹Մասսմեդիա›› ուսումնական կենտրոնում դասավանդել է հեռուստառեժիսուրա:

Հարություն Սեմերջյանը Առաջին ալիքի «Հաղթանակ կերտողներ» նախագծի հեղինակն է և բեմադրող ռեժիսորը:

2014 թ-ից Հանրային հեռուստաընկերության գլխավոր ռեժիսորն է: