Building
Հետ

Արթուր Ասատրյան

Երաժշտական պրոդյուսեր

Հանրային հեռուստաընկերության եթերացանցի մի կարևոր հատվածը զբաղեցնում են երաժշտական և ժամանցային ծրագրերը, որոնց ընտրությամբ և համակարգմամբ զբաղվում է Արթուր Ասատրյանը:

Արթուր Ասատրյանի աշխատանքային գործունեության հիմքում երգն ու երաժշտությունն է: Մասնագիտությամբ ալտահարը 1985 թ-ից սկսել է իր աշխատանքային գործունեությունը Արտաշատի Նորաշենի երաժշտական դպրոցում, այնուհետև եղել է Երևանի պետական կոնսերվատորիայի համերգա-գործունեության բաժնի պետը, դասավանդել Սայաթ-Նովայի անվան երաժշտական դպրոցում: 

1995 թ-ից առ այսօր Հայաստանի երգի պետական թատրոնի տնօրենն է: ‹‹Ասուպ›› ամենամյա մրցանակաբաշխության, ‹‹Ընծա›› ամենամյա համահայկական մրցույթ-փառատոնի և այլ մեծամասշտաբ նախագծերի համահիմնադիրն է:

1997-ից սկսած Հայաստանի պետական էստրադային ջազ-նվագախմբի պրոդյուսերն է, ‹‹Հայկական ջազը 70 տարեկան է›› հասարակական կազմակերպության պրոդյուսերը և նախագահը:

2008 թ-ից ‹‹Շարմ›› հոլդինգի երաժշտական պրոդյուսերն է, միաժամանակ եղել է Ինգա և Անուշ Արշակյանների երաժշտական պրոդյուսերը:

Արթուր Ասատրյանը հայ էստրադային և ջազային երաժշտարվեստի զարգացման, տարածման գործում ունեցած վաստակի համար պարգևատրվել է ՀՀ մշակույթի, երիտասարդության հարցերի նախարարության ոսկե մեդալով:

2011 թ-ին ՀՀ նախագահի հրամանագրով Արթուր Ասատրյանին շնորհվել է ՀՀ մշակույթի վաստակավոր գործչի պատվավոր կոչում:

2015 թ-ից Հանրային հեռուստաընկերության երաժշտական պրոդյուսերն է: