Հայադարան
Երկարատև լռությունից հետո հայկական հեռուստաեթերում փորձ է արվում ներկայացնել հայ գրականության մեծերի կյանքն ու ստեղծագործությունը հեռուստահաղորդման ուրույն լեզվով: Բանաստեղծություններն ու արձակի պատառիկները հնչում են միզանսցենային միջավայրում, ինչը զերծ է պահում անհարկի պաթոսից, ավելին՝ ապահովում լսարանի հետ հաղորդակցման բնական տարբերակը:
Հայադարանում պոեզիան երիտասարդ պրոֆեսիոնալ դերասանների մատուցմամբ դառնում է պատմություն և տեսարան՝ դուրս գալով իր նախնական, գրական տեսքից: Հաղորդաշարի հիմքում ընկած է ինչպես պոեզիան, այնպես էլ պատմությունններ, հետաքրքիր, չբացահայտված դրվագներ գրողների և բանաստեղծների կյանքից: Հաղորդաշարի նպատակն է հրապուրել հեռուստադիտողին, հատկապես՝ երիտասարդ, և ուղղորդել դեպի պոեզիան ու գիրքը:
