Հ/Ս «Հատուկ բաժին 2»
«Հատուկ բաժին» ֆիլմաշարի երկրորդ եթերաշրջանը Առաջին ալիքի եթերում է: Ինչպես առաջին եթերաշրջանում, այնպես էլ՝ երկրորդում, ֆիլմաշարը շարունակում է ցուցադրել օպերատիվ քրեագիտական հատուկ բաժնի (ՕՔՀԲ–ի) արհեստավարժ մասնագետների բարդ առօրյան՝ նոր, հնչեղ ու հետաքրքիր բացահայտումներով:
Գնդապետ Առնո Ղազարյանը կանգնած է բարդ ընտրության առաջ. նրանք, ովքեր առևանգել են նրա հարազատ աղջկան, տարօրինակ ու վտանգավոր խաղ են սկսում նրա հետ: Գնդապետի առաջ պայմաններ են դրվում, որոնք նա կատարել չի կարող, սակայն մյուս կողմից զոհասեղանին դստեր կյանքն է:
Ֆիլմաշարի դերասաններ Շանթ Հովհաննիսյանին, Մարիամ Դավթյանին, Բաբկեն Չոբանյանին, Սեպուհ Ապիկյանին, Վաչե Երիցյանին միացել են Ժան Նշանյանը, Գայանե Ասլամազյանը, Արմեն Սողոյանը և այլք: Ֆիլմաշարի ռեժիսորը Գրիգ Վահրամյանն է, սցենարիստը՝ Հարություն Ղուկասյանը, պրոդյուսերը՝ Կարեն Ղազարյանը:
Ֆիլմաշարի երկրորդ եթերաշրջանի լարված ու հետաքրքիր սերիաներին կարող եք հետևել երկուշաբթիից ուրբաթ՝ «Օրակարգ»-ի հիմնական թողարկումից անմիջապես հետո:
Ֆիլմաշարը ներկայացնում են Հայաստանի հանրային հեռուստաընկերությունը և ՀՀ ոստիկանությունը:
