Դեռեւս ՙԼրաբերից՚ ուշադրություն էին գրավում նրա 1-2 րոպեանոց մանրապա-տումները, որոնք գեղեցիկ ու ավարտուն էին, հուզական, եւ րոպեներ տեւող հաղորդման ընթացքում քեզ կտրում էին, տանում մի ուրիշ աշխարհ:
Արփեն Մովսիսյանի աշխարհն արտասովոր դրամատիզմ ձեռք բերեց մեր ազատագրական պայքարի տարիներին, երբ լրագրողն անձամբ այցելում էր թեժ կետեր, զոհված ազատամարտիկների շեները: Արցախի ծնունդ լինելովª նա իրենն էր համարում սահմանամերձ ամեն մի տան հոգսն ու կարիքը:
2002-ին ծնվեց ՙՇրջադարձը՚, ավելի ճիշտª նրան ծնունդ տվեց ինքըª Արփեն Մովսիսյանը: Նույնիսկ դժվար է գնահատել այս հաղորդաշարի առիթով կատարվող նկարահանումների արժեքը, քանզի դրանք պահպանում եւ գալիքին են փոխանցում մշակութային-պատմական-ազգային մնայուն արժեքներ:
ՙԻմ հաղորդումները ես համարում եմ վարքագրություններ: Յուրաքանչյուր փոքրիկ բան էլ պատմություն էª որն արվում է եւ թողնվում պատմությանը: Սա գաղափարական դաշտ է ինձ համար, իմ գերխնդիրն է գերակա պահել հայ մշակույթը: Իմ մտածումների մեջ հայն է ու Հայաստանը, որ խորհուրդների ու ծեսերի մեջ եմ ես տեսնում: Մի տող կա Տերյանից, որ միշտ ինձ հետ է. ՙՄի լուսե երգ է իմ հոգում ննջել՚: Ամեն մեկս էլ այդ ննջած երգն ենք կենդանացնում, այդ թվումª եւ ես: Եթե այդպես ես ապրում, ուրեմն ուրիշ եզերքում ես, որտեղ չկա ժամ ու ժամանակ, եւ ամեն ինչ հաղթելի է՚:
