Աստղիկ Մարտիրոսյանը հեռուստատեսություն եկավ 1957թ.-ից, երբ մեր էկրանը նոր-նոր էր սկսում ձեւավորվել: Հեռուստաէկրանի լեզվի եւ պատկերամիջոցների առաջին որոնողներից էր: Նրան հատուկ էին հեղինակի, խմբագրի եւ ռեժիսորի համատեղ ստեղծագործական համագործա կցությունը: 1960թ.-ից տեղափոխվում է գրական-դրամատիկական հաղորդումների խմբագրություն` նախ որպես ռեժիսորի օգնական, այնուհետեւ` ռեժիսոր:
Աստղիկ Մարտիրոսյանի` Մեծ հայրենական պատերազմի ժամանակ զոհված հայ հերոսներին նվիրված ՙՆրանք մնացին երիտասարդ՚ վավերագրական կինոնկարը 1967թ.-ին Ուկրաինայի եւ Անդրկովկասի վավերագրական եւ հեռուստատեսային ֆիլմերի առաջին փառատոնում պարգեւատրվեց առաջին կարգի դիպլոմով:
Աշխատել է մի շարք պիեսների բեմադրությունների վրա` Ռոզովի ՙԲարի ժամ՚, Կոլոմնեցայի ՙԵրկնագույն եղջերուներ՚, Դումբաձեի ՙՄի անհանգստացի, մայրիկ՚, Հակոբյանի ՙԱյու ծաղիկը՚ եւ այլն: Նրա ստեղծած մի շարք հաղորդումներ երկար տարիներ հայկական հեռուստաէկրանին էին` ՙՊրոմեթեւսը երաժշտութան մեջ՚, ՙԱնդերսեն՚, ՙԳթության քույր՚ եւ այլն:
Հազարավոր հեռուստադիտողներ հուզիչ ժամեր են ապրել ՙԿռունկ, ուստի կուգաս՚ ստուդիական հեռուստատեսային հաղորդումներից, որի ռեժիսորն էր Աստղիկ Մարտիրոսյանը:
