Հայ ռեժիսոր եւ սցենարիստ, արվեստի վաստակավոր գործիչ, միջազգային մրցույթի դափնեկիր, վաստակավոր մանկավարժ...
Էլմիրա Հեքեքյանը հեռուստատեսություն եկավ 58-ից եւ անմիջապես սկսեց ՙհայտնագործել՚ նախադեպը չունեցող հաղորդաշարեր ու գեղարվեստաստեղծագործական հնարներ: Նրա ստեղծած ՙՄինչեւ տասնվեց տարեկան թույլատրվում է՚ մյուզիքլն առաջին միջազգային դափնին բերեց հայկական հեռւոստատեսությանը` 1965-ին Պրագահի միջազգային փառատոնում արժանանալով պատվոգրի: Մանկական խմբագրությունում աշխատելու տարիներին ստեղծել է յուրօրինակ հաղորդաշարեր` ՙԶրույցներ գեղագիտության մասին՚, ՙԳեղեցիկի աշխարհում՚, ՙՀեքիաթ սրճարանում՚, ՙՄանկական օգոնյոկներ՚, ՙՌուսաց լեզու բոլորի համար՚ եւ այլն:
Առաջին անգամ նրա բեմադրությամբ հայ հեռուստադիտողը հայերեն ծանոթացավ Եվրիպիդեսի ՙԻֆիգենիան Ավլիսում՚ ողբերգության, Արիստոֆանի ՙԱմպերը՚ կատակերգության, Մաքիավելու ՙՄանդրագորան՚, Ջորդանո Բրունոյի ՙՄոմակալը՚ եւ այլն:
1973թ.-ից մինչեւ 93-ը պրոպագանդայի գլխավոր խմբագրության գլխավոր խմբագիրն էր: Այս տարիներին Էլմիրա Հեքեքյանը ստեղծել է ՙմեր տան պատիվը՚, ՙԽոտի բույրը՚, ՙՀասմիկ հանդես՚ հաղորդաշարերը: ՙՀանրապետություն՚ ստեղծագործական միավորումում իրականացրել է ՙԹատերական հուշեր՚, ՙՎարք ու բարք՚ հաղորդաշարերը:
Էլմիրա Հեքեքյանը շուրջ 55 տարի զբաղվել է նաեւ մանկավարժական գործունեությամբ` դասավանդել բեմական խոսք, դերասանի վարպետություն, թատրոնի պատմություն: Այսօր նա իր մանկավարժական գործը շարունակում է` ղեկավարելով ՙՀայ փոքրիկ երգիչներ՚ խումբը, որի գեղարվեստական ղեկավարն է նրա որդին` Տիգրան Հեքեքյանը:
