Ստեփան Պողոսյանը հայկական հեռուստատեսության տնօրենի պաշտոնում մնաց շուրջ 18 տարի` ամենաերկարը բոլոր տնօրեններից:
Երկար տարիներ աշխատել էր կառավարման համակարգում, զբաղեցրել էր կոմումունիստական կուսակցության կենտկոմիտեի տարբեր պաշտոններ, ընդհուպ մինչեւ առաջին քարտուղարի պաշտոնը: Սակայն ինչպես տարիներ անց ինքն է խոստովանում. <<Ապարատում աշխատելուց արդեն հոգնել էի, սրտովս չէր: Առաջին քարտուղար Քոչինյանը մի օր կանչեց եւ առաջարկեց հեռուստատեսության կոմիտեի պետի պաշտոնը: Չնայած հեռուստատեսությունից քիչ բան գիտեի, բայց ինձ համար նոր եւ հետարքրիր աշխարհ էր: Համաձայնեցի>>:
Նրա ղեկավարության տարիներին հեռուստատեսության շենքը հիմնովին կառուցվեց, ստուդիաները հագեցան նոր, ժամանակակից տեխնիկայով: 1973թ.-ի մայիսմեկյան շքերթը Երեւանի Լենինի հրապարակից առաջին անգամ հեռարձակվեց գունավոր պատկերմամբ: Արդեն 78-ից Հայաստանի հեռուստատեսության առաջին եւ երկրորդ ծրագրերի հաղորդումների մոտ 50 տոկոսը եթեր էր տրվում գունավոր պատկերով: Սկսվեցին եթեր հեռարձակվել նաեւ առաջին տեսագրված հաղորդումները: Կինոարտադրությունն առանձնացվեց հեռուստատեսությունից, եւ ստեղծվեց <<Երեւան>> ստուդիան:
