Հեռուստատեսային աշխարհում Սուսաննա Շահինյանի ՙառաջին ուսուցիչն՚ է եղել արդեն կայացած հաղորդավարուհի Նարա Շլեպչյանը, ինչի համար էր նա պարտական է էկրանի հմայիչ տիրուհուն` Նարա Շլեպչյանին:
Օրվա ծրագրին, ՙՀամայնապատկեր՚ եւ ՙԼրաբեր՚ լրատվական հաղորդումներին պետք է հաջորդեին երաժշտական բազում ծրագրեր, համերգներ ու միջոցառումներ, որոնք վարում էր Սուսաննա Շահինյանը: Նրա վարած հաղորդումների ցանկում ամենից երկարատեւն ու սիրվածը, անշուշտ, ՙԵրաժշտական փոստարկղն՚ է, որը տարիների դադարից հետո իր երթը շարունակում է այսօր: Սուսաննա Շահինյանը վարել է մի շարք կենդանի եթերներ ու հանդիպումներ` արտասահմանից եկած եւ հայաստանաբնակ երգիչ-երգչուհիների մասնակցությամբ: Նա այն հաղորդավարներից էր, ում կարող էին վստահել նաեւ տոնական եթերներ ու կարեւորագույն հարցազրույցներ:
Մարզերից տրվող ծրագրերը, որ ՙԵրաժշտական հանդիպումներ՚ էին կոչվում, իսկական տոնի էին վերածվում: ՙՊատճառը, գուցե, այն էր, որ կար անմիջական, անկեղծ շփում հասարակ մարդու, հեռուստադիտողի հետ: Իմ կարծիքով հենց նմանատիպ հաղորդումներն են, որ այսօր պակասում են մեր եթերում՚:
Սուսաննա Շահինյանի գնահատականով` այսօր հեռուստատեսությունը չպետք է սահմանափակվի միայն մայրաքաղաքով, եթերը ողջ Հայաստանի մասին ու ողջ Հայաստանի համար պետք է լինի:
