60-ականներին իր հաղորդումների բազմազանությամբ եւ տարբեր ժանրերով աչքի է ընկնում հեռուստատեսության մանկապատանեկան խմբագրությունը: Արդեն գործող հաղորդումներին ավելանում են նորերը. <<Գիշերային հեքիաթ>>, <<Քեզ շրջապատող իրերի մասին>>, <<Ճանապարհ դեպի կյանք>> եւ այլն:
Էլմիրա Հեքեքյանի ռեժիսորական հմտությունները դրսեւորվեցին նաեւ մանուկների ու պատանիների համար ստեղծված` <<Զրույցներ գեղագիտության մասին>>, <<Գեղեցիկի աշխարհում>>, <<Ուրախ խաղեր>>, ՙՄանկական օգոնյոկ՚ եւ այլ հաղորդաշարերում, իսկ 1964թ.-ին նրա նկարահանած ՙՄինչեւ 16 տարեկաններին թույլատրվում է..՚ կինոնկարն արժանացավ համամիութենական կինոփառատոնի առաջին մրցանակին, 1965թ.-ին` Պրագայի միջազգային կինոփառատոնի պատվավոր դիպլոմին: 1964թ.-ի օգոստոսից խմբագրությունը սկսեց մուլտիպլիկացիոն եւ այլ ֆիլմերի կրկնօրինակումները:
67-ի մայիսի 8-ը մեր հանրապետության հեռուստատեսության պատմության մեջ մտավ որպես առաջին հեռուստամրցույթի կազմակերպման օր: Ժամը 19-ին հեռուստաստուստուդիայի դպրոցական հաղորդումների խմբագրությունն իր հեռուստադիտողին ներկայացրեց ՙՈւրախների եւ հնարամիտների մրցույթի՚ առաջին հաղորդումը: Շուրջ 90 րոպե գիտելիքների պաշարով իրար հետ մրցում էին Չարենցի անվան դպրոցի <<Արաքս>> եւ Նոր Զեյթունի դպրոցի <<Զեյթուն>> թիմերը: Հաղորդման հաջողությունից ոգեւորված` նույն խմբագրությունը 69-ի փետրվարին պատանիներին ներկայացրեց նաեւ առաջին մարզական ծրագիրը <<Սպորտլանդիան>>
