1978թ.-ին գործուղվել է Հրազդանի շրջան՝ որպես շրջանային ժողովրդական թատրոնի ռեժիսոր:

1978-1983թթ.-ին դասավանդել է Աղավնաձորի միջնակարգ դպրոցում:

1979-1981թթ.-ին ռեժիսորի ասիստենտ է աշխատել հեռուստաֆիլմերի «Երևան» ստուդիայում:

1981-1983թթ.-ին աշխատել է «Պիոներ» ամսագրի խմբագրությունում՝ որպես գրական աշխատող:

1983թ.-ին աշխատանքի է անցել Հեռուստատեսության և ռադիոյի պետական կոմիտեում` նախ որպես խմբագիր, հետո՝ բաժնի վարիչ, գործակալության պետի տեղակալ, գլխավոր խմբագիր:

1987թ.-ին Մոսկվայում ավարտել է հեռուստատեսության և ռադիոյի աշխատակիցների վերապատրաստման դասընթացը:

Բազմաթիվ հաղորդաշարերի, ռադիոբեմականացումների, բեմադրությունների հեղինակ է, որոնցից են «Սասնա Ծռեր» էպոսը, «Ձայն մեծաց», «Խաչելություն», «Խոր Վիրապ», «Թուղթ առ Փրկիչ» պիեսները:

1993թ.-ին նշանակվել է Հեռուստատեսության և ռադիոյի պետական կոմիտեի նախագահի տեղակալ:

1996թ.-ին նշանակվել է Հայաստանի ռադիոընկերության գլխավոր տնօրեն:

1997-98թթ.-ին աշխատել է Երևանի քաղաքապետարանում՝ որպես մշակույթի, երիտասարդության հարցերի և սպորտի վարչության պետ:

1999-2007թթ.-ին՝ ՀՀ Ազգային ժողովի պատգամավոր:

2007-ից առ այսօր Հանրային Հեռուստառադիոընկերության խորհրդի անդամ է:

Բացի գեղարվեստական ստեղծագործություններից, հանրապետական մամուլում տպագրվել են նաև նրա բազմաթիվ հոդվածները, ակնարկները, պամֆլետները, հարցազրույցները: