«Աննա» հեռուստասերիալը պատմում է գյուղացի մի աղջկա մասին, ով թողնում է գյուղի հոգսառատ կյանքն ու տեղափոխվում մայրաքաղաք՝ ուսում ստանալու: Սցենարային հնարքների միջանցիկ ու հակամինջացիկ գործողություններով հարուստ հեռուստանովելի անընդհատ փոփոխվող իրադարձությունների գլխավոր հերոսը` Աննան, անցնում է բազմաթիվ բարդությունների ու խոչընդոտների միջով, փորձում է հաղթահարել դրանք` միաժամանակ որսալով կյանքի երջանիկ ակնթարթները: Սերիալում հայկական իրականությունն է, գյուղացի աղջկա կյանքը` անհավանական զարգացումներով՝ դպրոց, համալսարան, առաջին սեր, ամուսնություն, դավաճանություն: Սիրո պատճառած տառապանքներով, բայց երջանիկ ավարտով հեռուստանովելը կարող եք դիտել աշխատանքային օրերին «Առաջին լրատվական»-ի հիմնական թողարկումից հետո: