<<Հայաստանի ճամփեքով>> հեռուստանախագիծը դիտեք ամեն երկուշաբթի 23.50-ին, կրկնությունը` շաբաթ 10.30:
<<Օտար, ամայի ճամփեքի վրա>> եւ <<Մերոնք>> հաղորդաշարերի ստեղծագործական խումբը Առաջինի հեռուստադիտողին է ներկայացնում <<Հայաստանի ճամփեքով>> հեռուստանախագիծը:
Մեր ստեղծագործական խումբը, շրջելով Հայաստանի ողջ տարածքով, պատմում է քաղաքների, գյուղերի պատմաճարտարապետական հուշարձանների, ինչպես նաեւ մարդկային ինքնատիպ ճակատագրերի մասին:
Հաղորդումը հետապնդում է ճանաչողական նպատակ` Հայաստանը հնարավորինս մանրամասն հեռուստադիտողին ներկայացնելու համար: Մեր փոքրիկ երկրի հեռավոր գյուղերը, գողտրիկ սրբավայրերը, մատուռներն ու ժայռերը հաճախ հեռու են մնում շատերի աչքից ու չբացահայտված մեր կողմից:
Հաղորդման հեղինակ Ռաֆայել Հովհաննիսյանը կշրջի ողջ Հայաստանով, կլինի սահմանամերձ ու մոտակա գյուղերում, քաղաքներում, կհյուրընկալի պարզ շինականին ու հողագործին: Դարձեք այդ ճամփորդությունների մասնակիցը նաեւ դուք` դիտելով <<Հայաստանի ճամփեքով>> հաղորդումը:
<<Համահայկական աշխարհագրական ասոցիացիայի>>շխատանքը գնահատվել է տարբեր մրցանակներով եւ պետական պարգեւներով, այդ թվում` Համահայկական խաղերի միջազգային կոմիտեի մեդալով, Ֆրիտյոֆ Նանսեն հիմնադրամի եւ ՀՀ Մշակույթի նախարարության ոսկե մեդալով, << Վահան Թեքեյան >> և << Մովսես Խորենացի >> պետական պարգևով:
