<<Օտար, ամայի ճամփեքի վրա>> ծրագիրը դիտեք ամեն հինգշաբթի 23.50, Կրկնությունը կիրակի` 11.10:
<<Համահայկական աշխարհագրական ասոցիացիան>>Հանրային հեռուստաընկերության հետ համատեղ ներկայացնում են <<Օտար ամայի ճամփեքի վրա>>ծրագիրը: Այն պատմում է տարբեր երկրների ու քաղաքների մասին, որտեղ ապրում են մեր հայրենակիցները:
Հաղորդման ստեղծագործական խումբը նկարահանումներ է կատարում տարբեր երկրների թանգարաններում, տաճարներում, պալատներում եւ համալիրներում: Հաղորդումն արդեն պատմել է ավելի քան 45 երկրների մասին: Ծրագրի հյուրերն են եղել Հայաստանի եւ Վրաստանի ժողովրդական դերասանուհի Սոֆիկո Ճիաուրելին, Բուլղարիայի նախագահ Գեորգի Պրվանովը,Շարլ Ազնավուրը, ինչպես նաեւ տարբեր երկրների նախարարներ, մշակութային խոշոր գործիչներ եւ այլոք:
Հանրային հեռուստատեսության արբանյակային հեռարձակման շնորհիվ այն դիտում են ավելի քան 120 երկրներում:
<<Համահայկական աշխարհագրական ասոցիացիայի>>աշխատանքը գնահատվել է տարբեր մրցանակներով եւ պետական պարգեւներով, այդ թվում` Համահայկական խաղերի միջազգային կոմիտեի մեդալով, Ֆրիտյոֆ Նանսեն հիմնադրամի եւ ՀՀ Մշակույթի նախարարության ոսկե մեդալով,<<Վահան Թեքեյան>>մրցանակով եւ <<Մովսես Խորենացի>>պետական պարգեւով:
