Նախագծի գաղափարն ու դրա իրականացման նախաձեռնությունը եղել է հայկական կողմինը` ի դեմս Հանրային հեռուստատեսության գործադիր տնօրեն Գագիկ Բունիաթյանի: Հանրային հեռուստատեսությունն առաջարկել է վրացական Հանրային հեռուստատեսությանը ստեղծել համատեղ մի նախագիծ: Համաձայնության գալուց հետո սկսվել են աշխատանքները, որը տևել է շուրջ մեկ տարի՝ դեկորների էսքիզներ ու պատրաստում, երգերի ընտրություն ու գործիքավորում...
Ծրագրի գլխավոր նպատակներ մեկն է վերականգնել երկու երկրի միջև եղած կապը, որն ընդհատվել է ինչ-ինչ պատճառներով: Նախագիծը կարող է ավելի մեծ նախագծի հիմք հանդիսանալ, որում ընդգրկված կլինեն նաև այլ երկրներ:
Քվեարկությունն իրականացվում է հետևյալ սկզբունքով. մասնակից10 զույգերից ոչ մեկը դուրս չի մնալու մինչև նախագծի վերջին օրը: Ժյուրիի կազմում ընդգրկված են երկու երկրների մշակույթի ներկայացուցիչներ, ովքեր քվեարկության ժամանակ կորոշեն նախագծի հաղթողին: Սակայն այս ամենն արվում է ոչ թե հաղթողին որոշելու, այլ հարևան երկրների բարեկամությունը ևս մեկ անգամ ընդգծելու համար: Կանցկացվի նաև ինտերնետային քվեարկություն, որի միջոցով կորոշվի, թե ով կարժանանա հանդիսատեսի համակրանքին:
Տասը հաղորդման ընթացքում կհնչեն բոլոր ժամանակների սիրված ու ճանաչված երգերը՝ համաշխարհային հիթեր, ջազային ու ռոք ստեղծագործություններ: Կհնչեն հայերեն և վրացերեն գեղեցիկ զուգերգեր, սիրված ֆիլմերի համար գրված երգեր (soundtrack) և այլն:
Հաղորդաշարը Հայաստանի կողմից վարում է Նազենի Հովհաննիսյանը, իսկ Վրաստանի կողմից՝ Դաթոն:
Ներկայացնում ենք մասնակիցների ցուցակը`
Արսեն Գրիգորյան-Թինա Մախիլդիան,
Աննա Խաչատրյան-Լաշա,
Մհեր-Սոֆո,
Ռիփփի-Թեմո Աջաիա,
Եվա Ռիվաս-Անրի Ջոխադզե,
Սոնա Շահգելդյան–Արչիլ,
Լիլիթ Հովհաննիսյան–Դաթունա Մգելադզե,
Միստր X-Վերիկո,
Անդրե-Նինի Շերմադինի,
Էրիկ-Սալոմե Կորկոտաշվիլի:
