Երկուշաբթիից ուրբաթ, ժամը 18.30 –ին
Եթե ցանկանում եք հյուրընկալել հանրահայտ դերասանների, մարզիկների, երաժիշտների, պետական ու քաղաքական գործիչների, գիտնականների ընտանիքների, դիտեք «Երջանկության մեխանիկան» Հանրային հեռուստաընկերության եթերում:
Հաղորդման մասնակիցները ներկայանում են ընտանեկան երջանկությանը վերաբերող իրենց պատմություններով ու տեսակետներով: Պատմում են, թե ինչպես հանդիպեցին, ինչպես ամուսնացան, ինչպես հնչեց ամուսնության առաջարկը, ուր են տանում ընտանիքի արմատները...
Հաղորդումը նախատեսված է բոլոր տարիքի հեռուստադիտողների համար: Հյուրընկալվող ընտանիքը ներկայանում է հայրերի և որդիների խնդիրների լուծման սեփական մեխանիզմով, բացահայտում սերունդների համերաշխության հայտնի ու անհայտ հնարավորությունները: Ճանաչված մարդիկ ներկայացնում են զվարճալի, հուզական պատմություններ, որոնք լրացնում են ընտանիքի անդամները` արդեն իրենց ընկալմամբ և իրենց տեսանկյունից:
Հաղորդման նպատակը հեռուստաէկրանի երկու կողմում գտնվողներին միավորելն է: Հայտնի ու ճանաչված մարդկանց ընտանեկան սիրալիր ու բարեկամական մթնոլորտը փոխանցվում է հեռուստադիտողին: Այն, ինչի մասին երբեք չեն խոսել ճանաչված մարդիկ, Հանրային հեռուստաընկերության հյուրասենյակում կբացահայտեն, թե որն է իրենց երջանկության մեխանիկան :
Հեռ` (+37410) 57 45 63 e-mail. erjankutyun@armtv.coм
