Ամենակարող երգիչ
Առաջին ալիքի «Ամենակարող երգիչ» նախագծի նպատակն էր բացահայտել նոր անուններ:
Հեռուստատեսային հարթակում մրցում էին ակումբային այն երգիչները, որոնց կատարումները սովորաբար բոլորին ուղեկցում են ընտանեկան ու տոնական միջոցառումների ժամանակ: «Ամենակարող երգիչը» հնարավորություն տվեց երգիչ-երգչուհիներին իրենց ուժերը փորձել ամենատարբեր ժանրերում և թեմատիկ երգերում՝ ժողովրդականից մինչև շանսոն ու երևանյան երգեր: Իսկ թե որքանով էին նրանք ամենակարող, գնահատեցին ժյուրիի հիմնական անդամները՝ Արթուր Գրիգորյանը, Նադեժդա Սարգսյանը, Գրիգոր Նազարյանը, ինչպես նաև հրավիրյալ մասնագետները:
Նախագծի հաղորդավարներն էին Աշոտ Ղազարյանը և Անի Քրիստին:
