Արվեստակիրներ
Այս խորագրի ներքո ստեղծվել է երկու վավերագրական ֆիլմաշար, որոնցից յուրաքանչյուրը բաղկացած է 12 ֆիլմից: Տեսաֆիլմերը նախատեսված են հանդիսատեսի լայն լսարանի համար, ներկայացնում են մեր ազգային մշակույթում նշանակալի հետք թողած և ճանաչված այն անհատներին, ովքեր սիրված են և՛ հայրենիքում, և՛ Հայաստանի սահմաններից դուրս: Ֆիլմերին բնորոշ է անկեղծ ու անմիջական պատումը, երբ տաղանդավոր մարդը ներկայանում է իր ուժեղ ու թույլ կողմերով, ստեղծագործական փնտրտուքներով ու տարակուսանքներով: Մեր առջև նախ և առաջ մարդն է, ում, անշուշտ, խորթ չեն նաև մոլորությունները:
