Հանրային հեռուստաընկերությունը շուրջ վեց տասնամյակից ավելի հեռուստադիտողի համար ապահովում է անխափան եթեր: Այժմ Առաջին ալիքը հեռարձակում է մեծ ծավալի սեփական արտադրության բազմաժանր հաղորդաշարեր, գեղարվեստական և փաստավավերագրական  ֆիլմեր ու ֆիլմաշարեր: Հանրային հեռուստաընկերության ամբողջ հեռուստակոնտենտի արտադրական գործընթացն անթերի, օպերատիվ և  առավելագույնս պրոֆեսիոնալ իրականացնելու, անհրաժեշտ տեխնիկական և մարդկային ռեսուրսների ճիշտ բաշխման ու նկարահանման համար անհրաժեշտ աշխատանքների կազմակերպումն ապահովում է Առաջին ալիքի հեռուստաարտադրական բաժինը՝ Սերգեյ Նալբանդյանի ղեկավարությամբ:

Ծնվել է 1980 թ. մայիսի 24-ին Երևանում:

1997-2001 թթ. սովորել է Հայկական գյուղատնտեսական ակադեմիայի բակալավրիատում  տեխնոլոգի մասնագիտությամբ:

2001-2003 թթ. ավարտել է Հայկական գյուղատնտեսական ակադեմիայի մագիստրատուրան նույն մասնագիտությամբ:

2003-2005 թթ. ծառայել է ՀՀ զինված ուժերում:

2012-2018 թթ.  «Մավա Իմպուլս» ՍՊԸ-ում զբաղեցրել է   փոխտնօրենի պաշտոնը:

Սերգեյ Նալբանդյանը հեռուստատեսային ոլորտում սկսել է գործունեություն  ծավալել 2006 թվականից՝ իրականացնելով բազմաթիվ նախագծեր՝ հաղորդաշարեր, գեղարվեստական, փաստավավերագրական ֆիլմեր, հեռուստանովելներ:

2018 թ. միացել է Հանրային հեռուստաընկերության մեծ թիմին՝ որպես ստեղծագործական տնօրինության հեռուստաարտադրական ծառայության ղեկավար, 2022 թվականից Հանրային հեռուստաընկերության Տեխնիկական տնօրինության տնօրենն է: