Առաջին ալիքի Մեդիա ակադեմիան հայտարարում է ընդունելություն «Լրագրություն» բաժնում:
«Լրագրություն» բաժին կարող են դիմել լրագրողի աշխատանքով հետաքրքրված անհատները: Տեսական եւ գործնական դասերի ընթացքում ուսանողները կծանոթանան ժամանակակից լրագրության հիմունքներին և գործիքներին, լրագրողական էթիկայի կանոններին: Կուսումնասիրեն հարցազրույց վարելու տեխնիկաները, ռեպորտաժների պատրաստման փուլերը եւ խմբագրման մեթոդները։ Կծանոթանան լրագրության մեջ կիրառվող արհեստական բանականության գործիքներին:
Դասընթացն անվճար է, տեւողությունը՝ վեց ամիս: Լավագույնները աշխատանքի կանցնեն Հանրային հեռուստաընկերությունում:
Հայտերն ընդունվում են մինչև օգոստոսի 25-ը ներառյալ։
Ընդունելության առաջին փուլում, դիմում-հայտը լրացնելուց բացի, անհրաժեշտ է կցել ինքնակենսագրական եւ մոտիվացիոն նամակ այն մասին, թե ինչու եք ցանկանում սովորել «Լրագրություն» բաժնում: