Արքիմեդիա
«Արքիմեդիա» հեռուստատեսային ծրագիրը ուսուցողական, ժամանցային հաղորդաշար է ֆիզիկայի մասին:
Ֆիզիկայի բարդ թվացող բաժինները ներկայացվում են երիտասարդ հաղորդավարի և ֆիզիկայի փորձագետի՝ պարզեցված, մատչելի և զվարճալի մատուցմամբ: Հաղորդումը ներառում է տաղավարում իրականացվող ֆիզիկայի տեսարժան փորձեր՝ մանրակրկիտ բացատրություններով, ինչպես նաև նախապես նկարահանված տեսանյութերի տեսքով հարցումներ և փորձեր:
Հաղորդումը ներկայացնում է ֆիզիկայի գրեթե բոլոր բաժինները, որոնք ուսումնասիրում են դպրոցահասակ երեխաները: Հաղորդաշարը համեմված է նուրբ հումորով, բացատրում է մեզ շրջապատող բնական երևույթները գիտական ճշտությամբ, ու թեև հաղորդման թիրախում պատանի հեռուստադիտողն է, բայց այն անտարբեր չի թողնի նաև մեծահասակներին:
Հաղորդավար`
Հարություն (Տոշ) Դադուրյան
Ծնվել է 1988-ին:
Սովորում է Խ. Աբովյանի անվան հայկական պետական մանկավարժական համալսարանի կուլտուրայի ֆակուլտետի սոցիալ-մշակույթի գործունեության կառավարման բաժնում
2010-11 թթ. աշխատել է «12TV»-ում՝ որպես «Բազմակետ» հաղորդաշարի հաղորդավար
2011-12 թթ. աշխատել է «Live TV»-ում՝ որպես «Lime Tube» հաղորդաշարի հաղորդավար
2012-13 թթ. աշխատել է «ATV» հեռուստաընկերությունում՝ որպես «Drive News» ծրագրի հաղորդավար և ձայնային ներկայացնող
Այնուհետև նույն հեռուստանախագիծը շարունակել է «Կենտրոն» հեռուստաընկերությունում
2015-ին նկարահանվել է Հանրային Հեռուստաընկերության «Ընտանյոք Հանդերձ» սիթքոմում
2016-ից աշխատում է Հանրային հեռուստաընկերությունում՝ որպես «Արքիմեդիա» հաղորդաշարի հաղորդավար
Զուգահեռաբար «Շանթ» հեռուստաընկերությունում կրկնօրինակում է ֆիլմեր
և աշխատում է «Ռադիո Ավրորա»-ում՝ որպես ռադիոհաղորդավար:
