Մարտիկ

«Մարտիկ» հաղորդաշարը ներկայացնում է բանակի առօրյան։ Յուրաքանչյուր թողարկում ունի իր հերոսը՝ մշակութային, հասարակական հայտնի գործիչ կամ պարզապես որևէ զինվորի ծնող։ Նրանք այցելում են զորամաս, զինվորների հետ ճաշում, մասնակցում մարտական և ֆիզիկական պատրաստվածության դասերին, ծանոթանում զինատեսակներին։  Շատ հաճախ «Մարտիկն» անակնկալ է մատուցում զինվորների ծնողներին. զինվորն այցելում է տուն` հաճելիորեն զարմացնելով ընտանիքի անդամներին, հարազատներին, ընկերներին:

«Մարտիկ» հեռուստանախագիծը պարբերաբար անդրադառնում է ՀՀ ԶՈՒ և ԼՂՀ ՊԲ զորամասերի, զորամիավորումների, դրանց հրամանատարների անցած ուղուն, Արցախյան հերոսամարտին, ՀՀ և ԼՂՀ սահմանների պաշտպանության ժամանակ զոհված հերոսներին: 

Հայաստանի hանրային հեռուստատեսության և ՀՀ ՊՆ համատեղ «Մարտիկ» հաղորդաշարը 2014-ի ապրիլի 5-ին նշեց ստեղծման 20-ամյակը: «Մարտիկ» հաղորդաշարի հիմնադիրը, ծրագրի հեղինակը և ղեկավարը ՀՀ վաստակավոր լրագրող, պահեստազորի գնդապետ Սեյրան Շահսուվարյանն է։