Ֆրանկոֆոն Հայաստան

2018 թվականն առանձնահատուկ կարևորություն ունի Հայաստանի Հանրապետության համար։ Հոկտեմբերի 11-ին և 12-ին Երևանում կայանալու է կարևորագույն միջազգային իրադարձություն․ մենք հյուրընկալելու ենք 84 անդամ, ասոցացված և դիտորդ երկիր համախմբող Ֆրանկոֆոնիայի միջազգային կազմակերպության 17-րդ գագաթնաժողովը։ Ֆրանկոֆոնիայի երկամսյակի կապակցությամբ հարյուրավոր մշակութային և կրթական միջոցառումներ են իրականացվելու ինչպես մայրաքաղաք Երևանում, այնպես էլ հանրապետության ողջ տարածքում: