Վահագն Միքայելյան
Գլխավոր լուսավորող, լուսային ապահովման բաժնի պետ
Մի բան է լուսավորությունն իրական կյանքում, մեկ այլ բան՝ հեռուստատեսային իրականության մեջ: Հանրային հեռուստատեսության գլխավոր լուսավորողը Վահագն Միքայելյանն է, ով լավագույնս գիտի, թե ինչ տեսք կունենա տվյալ գույնի լույսը կադրում և որքանով այն կհամապատասխանի հաղորդման ձևաչափին: Սիրում է նոր գունային համադրություններ գտնել, չի վախենում լուսային համարձակ փորձարկումներից: Վստահ է՝ լույսն անսահման ստեղծարար ռեսուրս է և ամեն ինչի սկիզբը:
Նա հրաշալի ծանոթ է հաղորդավարների «կամակորություններին», ունի գեղեցիկի և էսթետիկայի բացառիկ ընկալում:
Վահագն Միքայելյանը 1998 թ-ից Հր. Ղափլանյանի անվան դրամատիկական թատրոնի լուսավորողն է, 2003 թ-ից` նույն թատրոնի գլխավոր լուսավորողը:
2005 թ-ից սկսել է աշխատել «Շարմ հոլդինգ» ընկերությունում` որպես լուսային ռեժիսոր:
2013 թ-ից Հանրային հեռուստաընկերության գլխավոր լուսավորողն է: